• Աբովյան 15/1
  • Երկ. - Ուրբ.
    09:00 - 18:00

Աստվածաշունչ կարդացած ամերիկացիների 90%-ը խոստովանում է, որ․․․

Ամերիկացիների ավելի քան 90%-ը, ովքեր կարդացել են Աստվածաշունչը, ասում են, որ Գրքի ուղերձը փոխել է իրենց կյանքը: Այս մասին է վկայում Աստվածաշնչյան ամերիկյան ընկերության նոր ուսումնասիրությունը։

Ամերիկյան աստվածաշնչյան ընկերությունը հրապարակել է ուսումնասիրության արդյունքները, որոնք տեղ են գտել «Աստվածաշնչի վիճակը. ԱՄՆ 2022» զեկույցում: Հարցումը ցույց է տվել, որ Սուրբ Գիրքը տարին երեք կամ չորս անգամ կարդացողների 92%-ը, չհաշված եկեղեցական ծեսերին մասնակցությունը, ասում են, որ Աստվածաշնչի ուղերձը փոխել է իրենց կյանքը:

«Ի վերջո, Աստվածաշունչը կարդալ չի նշանակում պարզապես գիրքը բացել։ — ասվում է Ամերիկյան աստվածաշնչային ընկերության վերլուծության մեջ,- Երբ մենք կարդում ենք Աստվածաշունչը, մենք շփվում ենք Աստծո հետ: Եվ երբ մարդիկ կապվում են Աստծո հետ Սուրբ Գրքով, նրանց կյանքը, վերաբերմունքը և արժեքները փոխվում են»:

Ինչպես նշվում է ուսումնասիրության մեջ, Աստվածաշունչ չկարդացող մարդկանց 38%-ը նույնպես համաձայն է այն պնդման հետ, որ «Աստվածաշնչի ուղերձը փոխել է իրենց կյանքը»։ Ամերիկյան աստվածաշնչյան ընկերության տվյալներով՝ ԱՄՆ-ում 38%-ը կամ մոտ 60 միլիոն մարդ ասում է, որ չի կարդում Աստվածաշունչը, բայց այն, միևնույն է, ազդում է իրենց կյանքի վրա:

«Այդ մարդկանցից ոմանք ժամանակ առ ժամանակ հաճախում են եկեղեցի և այնտեղ կյանք փոխակերպող բարի լուրն են ստանում», — ասվում է զեկույցում: «Որոշները կարող  է Աստվածաշնչի ուղերձով վերափոխվել են անցյալում՝ չնայած թվում է, որ նրանք դադարել են կարդալ Գրքերի Գիրքը: Ոմանք կարող են ունենալ ընկեր կամ ընտանիքի անդամ, որը նրանց սովորեցրել է աստվածաշնչյան ճշմարտությունը։ Ամեն դեպքում, ուշագրավ է, որ Աստվածաշունչը քիչ կամ ընդհանրապես չկարդացողների զգալի մասն ասում է, որ փոխվել է դրանով»։

Զեկույցը նաև հարցնում էր Աստվածաշնչի օգտատերերին Սուրբ Գրությունները կարդալու իրենց մեթոդների մասին։ Մոտ կեսը (48%) ասել է, որ կարդում է մի քանի գլուխ միաժամանակ։ Դրան հետևում են՝ «կախված տրամադրությունից» հատվածներ կարդալը (40%), ամբողջական գլուխներ կամ պատմություններ կարդալը (32%), ժամանակացույց, պլան կամ ծրագիր օգտագործելը, (26%) և ամեն օր միևնույն ժամին կարդալը (22%),- հայտնում է cnl.news կայքը։