ՀԵՀԵՄ-ում սովորել եմ այլ բանալիներով դռներ բացել
Ողջու՛յն։ Ես Օֆելյան եմ՝ ՀՊՄՀ Բանասիրական ֆակուլտետից։ Ծանոթանալով ՀԵՀԵՄ-ի գործունեությանը՝ ցանկացա մի մասը դառնալ այդ երիտասարդական միավորման: Երբ արդեն անդամ էի, ծանոթացա հիանալի մարդկանց հետ, որոնք գիտեն՝ ուր են եկել:
ՀԵՀԵՄ-ն այն վայրն է, որտեղ գալով, զրուցելով կտանես քեզ հետ նորանոր գաղափարներ։ Եվ դա շնորհիվ նաև հետաքրքրաշարժ երիտասարդների հետ շփումների: Քեզ հետ նաև կվերցնես ջերմ մթնոլորտից մի կտոր, ինչն արդեն իսկ ոգևորիչ է:
ՀԵՀԵՄ-ն ինձ համար այսպես կբնութագրեմ՝ հաճելի միջավայր, հիանալի նախաձեռնություններ, օգնելու պատրաստակամություն:
Դառնալով ՀԵՀԵՄ անդամ՝ դու մասնակցում ես տարաբնույթ միջոցառումների, հոգևոր դասընթացների, քննարկումների, ուխտագնացությունների․ դու ոչ միայն վերցնում ես ՀԵՀԵՄ-ից, այլև տալիս ես՝ իրականացնելով սեփական նախագծերդ։:
Այստեղ սովորել եմ հավատարմության, ընկերության բանալիներով բացել դռները:
Մի խոսքով՝ հաճելի, հետաքրքրական, հոգևոր, յուրովի և անկրկնելի ՀԵՀԵՄ:
Օֆելյա Գասպարյան
ՀԵՀԵՄ անդամ