• Աբովյան 15/1
  • Երկ. - Ուրբ.
    09:00 - 18:00

Ֆրեսկո 2020

Հայաստանում օգոստոսի 22-ից սեպտեմբերի 1-ը կանցկացվի Ֆրեսկո արդի արվեստի և հոգևոր ֆիլմերի 7-րդ միջազգային փառատոնը:
Փառատոնն իրականացվում է Մայր Աթոռ Սուրբ Էջմիածնի օրհնությամբ և աջակցությամբ, ՀՀ կրթության, գիտության, մշակույթի և սպորտի նախարարության գլխավոր աջակցությամբ և Հայաստանյան Կլոր սեղան հիմնադրամի աջակցությամբ:
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի օրհնությամբ և բարձր տնօրինությամբ ՀԵՀԵՄ Կենտրոնական գրասենյակի հոգևոր տեսուչ, ԿԳ տնօրեն Հոգեշնորհ Տեր Թովմա վարդապետ Խաչատրյանը Մայր Աթոռ Սուրբ Էջմիածնի ներկայացուցիչն է՝ Ֆրեսկո արդի արվեստի և հոգևոր ֆիլմերի 7-րդ միջազգային փառատոնում:

Փառատոնին այս տարի ներկայացված 3000-ից ավելի հայտից (85 երկիր) ընտրվել է 63 ֆիլմ (23 երկիր): Մրցութային ծրագրում ընդգրկվել են ֆիլմեր, որոնց ուղերձներն են մարդասիրությունը, հայրենասիրությունը, առողջ ապրելակերպը և այլ համամարդկային արժեքներ:

Ֆրեսկոյի հանդիսավոր բացման արարողությունը կկայանա սահմանամերձ գեղատեսիլ Բերդ քաղաքում՝ Բերդ պարային անսամբլի բացօթյա մենահամերգով, այնուհետև համերգին կհաջորդեն միջազգային ֆիլմերի դիտումները:

Փառատոնի երևանյան ծրագիրը կմեկնարկի օգոստոսի 24-ից և կշարունակվի մինչև սեպտեմբերի 1-ը հենց Երևանի սրտում՝ Աբովյան փողոցի Սբ. Աննա և Սբ. Կաթողիկե եկեղեցիների հարակից տարածքում: Ծրագրում կներառվեն ֆիլմերի դիտում–քննարկումներ, համերգային ծրագրեր և առցանց հանդիպումներ:

Փառատոնի ընթացքում՝ օգոստոսի 28-ին կկայանա Հայաստանի Պարի պետական անսամբլի մենահամերգը, 29-ին՝ Ռուբեն Հախվերդյանի 70 -ամյակին նվիրված հոբելյանական համերգը, օգոստոսի 30-ին երկրպագուները հնարավորություն կունենան վայելելու Ջիվան Գասպարյանի և ընկերների համերգը: