Ես ուխտավոր եմ․ Էլեն Հակոբյան
Ես Էլեն Հակոբյանն եմ Հարավային Ռուսաստանի հայոց թեմից։ Դիմահարդար-ոճաբան եմ։
Քանի որ ապրում եմ օտար հողում, հայրենիքի հետ կապը միմիայն ստանում եմ եկեղեցով, դրա համար փորձում եմ ուժերիս սահմանում ամեն ինչ անել Հայաստանից դուրս Հայաստան ստեղծելու գործում: Բայց ինչքան էլ որ հեռու եմ, Հայաստանը ինձ ուժ տվող, սիրող ու միշտ գրկաբաց ընդունող ՏՈՒՆ է:
Եկեղեցին ևս իմ տունն է, իմ ընտանիքն է, ես եմ: Եկեղեցին այն վայրն է, որտեղ ապահով է, որտեղից միայն սեր է բխում, որը ի մի բերող ուժ է։ Ես շատ ակտիվորեն եմ ներգրավված եկեղեցում կամավորական աշխատանքներին։
ՀԵՀԵՄ համահայկական ուխտագնացությունների մասին դեռ վաղուց էի լսել և շատ էի ուզում մասնակցել։ Կարելի է ասել՝ իմ ցանկությունն ու Աստծո կամքը համընկան:
2022-ի ՀԵՀԵՄ համահայկական ուխտագնացությունն ինձ տվեց անմոռանալի հույզեր, լիքը ընկերներ, փարատեց անսահման կարոտս:
Այդ մի քանի օրերն ինձ համար հրաշքներով լի էին, դրանք օրեր էին, երբ դու լրիվ քո «ափսեում» էիր։
Փառք Աստծո ամեն ինչի համար:
Կասեի՝ ՀԵՀԵՄ -ը ՍԵՐ է, և վերջ։
Էլեն Հակոբյան
Հարավային Ռուսաստանի հայոց թեմ, ք․Կրասնոդար