ՀԵՀԵՄ Ընդհանուր ուղենիշ

ՀԱՅ ԵԿԵՂԵՑՈՒ ՀԱՄԱՇԽԱՐՀԱՅԻՆ ԵՐԻՏԱՍԱՐԴԱԿԱՆ ՄԻԱՎՈՐՈՒՄ (ՀԵՀԵՄ)

ՈՒՂԵՆԻՇ

Կառուցվածք, ռազմավարություն, տարածաշրջաններ

ՄԱՅՐ ԱԹՈՌ ՍՈՒՐԲ ԷՋՄԻԱԾԻՆ 2022

1.1 Անվանումը

• Հայ Եկեղեցու Համաշխարհային Երիտասարդական Միավորում (այսուհետ` ՀԵՀԵՄ):

1.2 Առաքելությունը

• Համախմբել աշխարհասփյուռ հայ երիտասարդությանը՝ ի հարատևություն հայ ինքնության և ի զորացումն Հայաստանյայց Առաքելական Սուրբ Եկեղեցու,
• Կազմակերպել հայ երիտասարդության ներուժի գործածումը նրա ինքնազարգացման, հոգևոր ու ազգային արժեքների պահպանության գործում,
• Սերմանել հայ երիտասարդության մեջ Հիսուս Քրիստոսի Սբ. Ավետարանի պատգամը` հիմնված Առաքելական Մայր Եկեղեցու դավանանքի վրա։
• Դաստիարակել հայեցի և քրիստոնեական արժեհամակարգով օժտված հասարակության անդամներ:

1.3 Գործունեության ոլորտը

• ՀԵՀԵՄ-ը համագործակցում է Հայ Եկեղեցու հովանու ներքո՝ ըստ Մայր Աթոռի ընթացակարգերի գործող թեմական, ինչպես նաև ոչ թեմական երիտասարդական միությունների, կազմակերպությունների և շարժումների, կուսակցական երիտթևերի, հասարակական երիտասարդական կազմակերպությունների, միությունների, հայրենակցական միավորումների, կրթական, մշակութային, բարեսիրական և մարդասիրական նպատակներ ունեցող հայաստանյան, սփյուռքի, միջեկեղեցական և միջազգային հաստատությունների հետ:
• ՀԵՀԵՄ-ի անդամ են հանդիսանում Ամենայն Հայոց Կաթողիկոսության Հայաստանի և Սփյուռքի թեմերի և Պատվիրակությունների, Երուսաղեմի Հայոց Պատրիարքության և Կոստանդնուպոլսի Հայոց Պատրիարքության 15-35 տարեկան երիտասարդները։
• ՀԵՀԵՄ—ը գործում է Մայր Աթոռ Սուրբ Էջմիածնի հովանու ներքո՝ Հայ Առաքելական Սուրբ Եկեղեցու եկեղեցական կանոնների ու կարգերի համաձայն՝ որպես գործունեության ուղեցույց ունենալով սույն ուղենիշը։

1.4 Ռազմավարական նպատակները

• Հայ Եկեղեցու վարդապետության համաձայն նպաստել քրիստոնեական հավատքի և արժեքների տարածմանը երիտասարդության մեջ,
• Աջակցել թեմական երիտասարդական միավորների ստեղծմանն ու ամրապնդմանը,
• Աջակցել թեմական երիտասարդական խորհուրդների եկեղեցասեր երիտասարդական կառույցների համագործակցությանը` իրականացնելով համատեղ ծրագրեր Հայաստանում, Արցախում և Սփյուռքում,
• Հաշվի առնելով տարածաշրջանի և երկրի առանձնահատկությունները` մշակել և հանդես գալ արդյունավետ ծրագրերով, որոնք միտված կլինեն հոգևոր—ազգային շահի ապահովմանը,
• ՀԵՀԵՄ Կենտրոնական գրասենյակի աշխատասիրությամբ ստեղծել քրիստոնեական երիտասարդական աշխատանքի վերաբերյալ մեթոդաբանական և կրթական նյութեր ու ծրագրեր՝ նպաստելով երիտասարդական աշխատանքի ճանաչելիությանը ՀԵՀԵՄ թեմական կառույցներում,
• Նպաստել ներթեմական և միջթեմական համագործակցային և ցանցային աշխատանքի կայացմանը,
• ՀԵՀԵՄ Կենտրոնական գրասենյակի հեղինակությամբ ստեղծել քրիստոնեական երիտասարդական աշխատանքի կրթական ծրագրեր և պատրաստել երիտասարդական աշխատանքի մասնագետներ Հայաստանի և Սփյուռքի ՀԵՀԵՄ կառույցների համար,
• Կատարել թեմական երիտասարդների կարիքների գնահատում և չափել առկա ծրագրերի արդյունավետությունը՝ նպաստելով քրիստոնյա երիտասարդի լավագույն շահի պաշտպանությանը։
Մայր Աթոռ Սուրբ Էջմիածնի Լուսարարապետության, Արարատյան Հայրապետական փոխանորդության և Երևանի Սբ․ Գրիգոր Լուսավորիչ եկեղեցու, ինչպես նաև ԵՊՀ Աստվածաբանության ֆակուլտետի դեկանատի հետ համաձայնեցմամբ կազմակերպել բուհերում ուսանող երիտասարդության հոգևոր խնամքը։

2. ՀԵՀԵՄ պաշտոնեություն

• ՀԵՀԵՄ հոգևոր առաջնորդին, հոգևոր տեսչին և ՀԵՀԵՄ Կենտրոնական գրասենյակի աշխատակազմին նշանակում է Ամենայն Հայոց Կաթողիկոսը:

3. ՀԵՀԵՄ կառուցվածքը

3.1 Կենտրոնական գրասենյակ (ԿԳ)

• Կենտրոնական գրասենյակը Մայր Աթոռ Սուրբ Էջմիածնի և Թեմերի երիտասարդական միությունների կապող օղակն է: ԿԳ-ն գնահատում է քրիստոնյա երիտասարդի կարիքները, գեներացնում երիտասարդակենտրոն ծրագրեր, իրականացնում է դրանք թեմերում, չափում է արդյունավետությունը, կատարում մոնիթորինգ և ապահովում ծրագրային շարունակականությունը և օժանադակում թեմական երիտասարդական աշխատանքի արդյունավետությանը։
• Ըստ սույն ուղենիշի 3.1 կետի՝ ՀԵՀԵՄ Կենտրոնական գրասենյակը համախմբող, օժանդակող, ուսումնասիրություններ կատարող կառույց է։
• ՀԵՀԵՄ ԿԳ տարեկան բյուջեն գոյանում է թեմերի, բարերարների, կտակների և հիմնադրամների նվիրատվություններով։
• ՀԵՀԵՄ Կենտրոնական գրասենյակի հոգևոր առաջնորդը տարեկան ծրագրային նախահաշիվը և ծրագրային տարեկան պլանը ներկայացնում է Վեհափառ Հայրապետի հաստատմանը։

3.2 ՀԵՀԵՄ Ատենապետաց ժողով (ԱԺ):

• ԱԺ-ն խորհրդակցական մարմին է, որին մասնակցում են թեմերի երիտասարդական հարցերով հոգևոր և աշխարհիկ պատասխանատուները: Կենտրոնական գրասենյակի հրավերով այն գումարվում է մեկ կամ երկու տարին մեկ պարբերականությամբ, ինչպես նաև՝ ըստ անհրաժեշտության։ Օրակարգում քննարկվում են կայացած և նախատեսվող ծրագրերի մանրամասները, համահայկական միջոցառումների կազմակերպչական հարցերը, տարվա միջոցառումների կարգախոսը, տարածաշրջանային ժողովներին վերաբերող հարցերը, ՀԵՀԵՄ Ուղենիշի փոփոխությունները և այլ հարցեր:
• Ատենապետաց ժողովում յուրաքանչյուր թեմ ունի մեկ ձայն:

3.3 ՀԵՀԵՄ Տարածաշրջանները

ա) Հայաստան

• Արարատյան Հայրապետական թեմ,
• Շիրակի թեմ
• Գուգարաց թեմ
• Արմավիրի թեմ
• Սյունյաց թեմ
• Վայոց ձորի թեմ
• Արագածոտնի թեմ
• Կոտայքի թեմ
• Գեղարքունիքի թեմ
• Տավուշի թեմ
• Արթիկի թեմ
• Մասյացոտնի թեմ
• Արցախի թեմ

բ) Ռուսաստան և ԱՊՀ

• Ռուսաստանի և Նոր Նախիջևանի հայոց թեմ
• (Հյուսիսային Ռուսաստան, Մոլդովա, Ղազախստան, Ուզբեկստան, Բելառուս)
• Կրասնոդարի եվ Հյուսիսային Կովկասի հայոց թեմ

գ) Եվրոպա

• Գերմանիայի հայոց թեմ
• Մեծ Բրիտանիայի և Իռլանդիայի հայոց թեմ
• Հունաստանի հայոց թեմ
• Ռումինիայի հայոց թեմ
• Բուլղարիայի հայոց թեմ
• Շվեյցարիայի հայոց թեմ
• Ֆրանսիայի հայոց թեմ
• Ուկրաինայի հայոց թեմ
• Լեհահայոց հոգևոր հովվություն
• Բալթյան երկրների հայոց թեմ(Լատվիա, Լիտվա, Էստոնիա)
• Արևմտյան Եվրոպայի Հայրապետական Պատվիրակություն (Իտալիա, Իսպանիա, Բելգիա, Հոլանդիա)
• Կենտրոնական Եվրոպայի և Շվեդիայի Հայրապետական Պատվիրակություն (Շվեդիա, Նորվեգիա, Ֆինլանդիա, Դանիա, Չեխիա, Ավստրիա, Սլովակիա, Հունգարիա)
• Վրաստանի հայոց թեմ (ներառյալ՝ Սամխե-Ջավախքի և Ծալկայի ընդհանուր առաջնորդական փոխանորդություն)

դ) Հարավային Ամերիկա

• Արգենտինայի հայոց թեմ
• Բրազիլիայի հայոց թեմ
• Ուրուգվայի հայոց թեմ

ե) Հյուսիսային Ամերիկա

• Կանադայի հայոց թեմ
• ԱՄՆ Արևմտյան հայոց թեմ
• ԱՄՆ Արևելյան հայոց թեմ

զ) Մերձավոր Արևելք և Աֆրիկա

• Եգիպտոսի հայոց թեմ
• Իրաքի հայոց թեմ
• Դամասկոսի հայոց թեմ

է) Ավստրալիա, Ծայրագույն Արևելք և Հնդկաստան

• Ավստրալիա և Նոր Զելանդիայի հայոց թեմ, Հնդկաստանի և Ծայրագույն Արևելքի Հայրապետական Պատվիրակություն
• Ավստրալիա
• Նոր Զելանդիա
• Ճապոնիա
• Չինաստան
• Հնդկաստան
• Ինդոնեզիա
• Թաիլանդ
• Բիրմա
• Սինգապուր
• Մյանմար
• Բանգլադեշ
• Ֆիլիպիններ