• Abovyan,
  • Mon - Fri
    09:00 - 18:00

Մեր սուրբ հայրերին արժանի երիտասարդներ եղեք. Հայր Թովմայի ուղերձը

Dear youth of Armenia, Artsakh and the Diaspora of the world.

Մեր շնորհավորանքն ենք հղում ձեզ երիտասարդների արագահաս բարեխոս Սուրբ Սարգսի տոնի առթիվ։

Ամենայն Հայոց Գարեգին Բ Հայրապետի տնօրինությամբ Ս. Սարգիս զորավարի տոնը հռչակվել է Երիտասարդների օրհնության օր, և ձեզանից շատերն այսօր հավարտ երեկոյան ժամերգության մասնակցեցին Երիտասարդների օրհնության կարգին։ Այդ օրհնությունը թող անբաժան լինի ձեզնից, և սուրբ զորավարի, նրա որդու և 14 մարտիրոսների բարեխոսությունն անպակաս՝ ձեր կյանքից։

Նրանց Քրիստոսանվեր կյանքի օրինակը թող որպես փարոս առաջնորդի ձեզ՝ որպես քրիստոնյաներ ջանադրաբար գործելու և շենացնելու Եկեղեցին ու Հայրենիքը։ Մեր ամեօրյա վազքի, շատերիս պատած անորոշության, հուսահատության, բարոյալքման, աշխարհը զավթած համաճարակների, հընթացս տեղի ունեցող և հասունացող պատերազմների ֆոնին առավել քան երբևէ կենսավետ է դառնում Ավետարանական ճշմարտությունը, և առավել քան երբևէ՝ փրկչական՝ Մեր Տեր Հիսուս Քրիստոսի շնորհը և մեզ համար հեղած Իր սուրբ արյան բարեխոսությունը։

Մեր սուրբ հայրերին արժանի երիտասարդներ եղեք՝ խոհուն մտքով, սուրբ վարքով, առողջ դատողությամբ, ծնողահարգ և ճշմարտասեր։ Սուրբ Հոգու շնորհները առատապես օգտագործողներ եղեք՝ ի շահ Եկեղեցու և Հայրենիքի։

Ձեզ ենք փոխանցում նաև ՀԵՀԵՄ հոգևոր առաջնորդ Տ․ Հովնան արքեպիսկոպոս Տերտերյանի հայրական օրհնությունն ու սերը։

Թո՛ղ Աստված լիացնի ձեր սրտերն իր անսպառ սիրով և զարդարի ձեզ Սուրբ Հոգու շնորհներով։

 

 

 

Tovma Archimandrite Khachatryan
Tovma Archimandrite Khachatryan
  Spiritual Rector and Director of ACYOWorld Central office