ՀԵՀԵՄ-ում արժեվորեցի եկեղեցիս, հավատքս, հայրենիքս
Ես Արթիկից եմ։ ՀԵՀԵՄ անդամ դարձա 2020թ.-ից։ Անդամակցեցի առանց ակնկալիքների ու սպասելիքների, քանի որ իմ կյանքում աստվածճանաչողությունից հետո սկսեցի հասկանալ, որ յուրաքանչյուրս ունենք ի վերուստ տրված առաքելություն, շնորհ, որ պիտի օգտագործենք նպատակային, իսկ ՀԵՀԵՄ-ը հիանալի հնարավորություն է ստեղծում երիտասարդների համար հմտություններն ու կարողությունները ռացիոնալ կերպով օգտագործելու։
ՀԵՀԵՄ-ից տուն եմ տանում դրական ու ջերմ էմոցիաներ, գաղափարների ու մտքերի փունջ, իսկ Հայր Սուրբի հոգևոր զրույցներն ու խրատներն ինձ համար գանձերի մի տուփ են։
ՀԵՀԵՄ-ական միջավայրն ամենաջերմ, ամենահյուրընկալ, ամենասիրուն, ամենահոգատարն է, ինչքան էլ թվարկեմ, մեկ է, քիչ է լինելու։
ՀԵՀԵՄ-ին անդամագրվելը երիտասարդի համար կարևորագույն հարթակ է։ Այստեղ նա կրթվում է բազմակողմանի կերպով, ձեռք է բերում բազմաթիվ հմտություններ ու կարողություններ։
Այստեղ սովորեցի գնահատել ու արժեվորել եկեղեցիս, հավատքս, հայրենիքս։
Այստեղ գալուց հետո հասկացա՝ որտեղից սկսեմ, որտեղ օգտակար լինեմ ու որտեղ գործեմ։
ՀԵՀԵՄ-ը կբնութագրեմ հետևյալ կերպ՝ ամենաջերմ, ուսուցողական, գաղափարային, հոգատար, նախաձեռնող։
Զաբելա Մինասյան
ՀԵՀԵՄ անդամ