Օնլայն Աստվածաշնչի նոր հավելված է ստեղծվել
Հայաստանի Աստվածաշնչային ընկերությունը օնլայն Աստվածաշնչի նոր ու բազմաֆունկցիոնալ հավելված է ստեղծել։
Հավելվածը ներառում է «Էջմիածին» հին, «Էջմիածին» նոր, «Արարատ» հին և «Արարատ» նոր թարգմանությունները։ Այս շարքից «Էջմիածին» նոր թարգմանությունը ունի նաև աուդիոգիրք։
Մարտի 10-ին ՀԱԸ ներկայացուցիչները ՀԵՀԵՄ Կենտրոնական գրասենյակում ներկայացրեցին հավելվածի նպատակներն ու տեսլականը։ Նպատակային արդյունքին հասնելու նպատակով ՀԵՀԵՄ երիտասարդների մասնակցությամբ ակտիվ քննարկում էր ծավալվել, որը միտված էր հավելվածի կատարելագործմանը։