• Աբովյան 15/1
  • Երկ. - Ուրբ.
    09:00 - 18:00

Կոնրադ Ադենաուեր-ՀԵՀԵՄ համատեղ ծրագիրը

Հոկտեմբերի 21-22-ին ՀԵՀԵՄ Կենտրոնական գրասենյակում անցկացվեց Կոնրադ Ադենաուեր հիմնադրամի և ՀԵՀԵՄ ԿԳ-ի կազմակերպած «Համայնքը մենք ենք» խորագրով համաժողովը։ Ծրագրի նպատակն էր մեծացնել երիտասարդների ներգրավվածությունը համայնքային կյանքում:

Երկօրյա կոնֆերանսին մասնակցում էին Մայր Աթոռ Սուրբ Էջմիածնից, համալսարաններից, հասարակական կազմակերպություններից և կուսակցությունների երիտասարդական թևերից ներկայացուցիչներ։ քննարկվում էին երիտասարդներին հուզող և համայնքային կյանքն ակտիվացնող մի շարք հարցեր:

Սեմինարը վարում էին Կոնրադ Ադենաուեր հիմնադրամի «Հարավային Կովկաս» տարածաշրջանային ծրագրի գիտաշխատող Քրիստինա Բեկմանը, CIVIC միջազգային կրթության ինստիտուտի գործադիր տնօրեն դր. Ալեքսանդր Բուրկան և CIVIC-ի փորձագետ Անի Օհանյանը։ Ներկա Էր նաև ԱԺ պատգամավոր Ծովինար վարդանյանը:

Համաժողովը մեկնարկեց ՀԵՀԵՄ հոգևոր տեսուչ, Կենտրոնական գրասենյակի տնօրեն Հոգեշնորհ Հայր Թովմա վարդապետ Խաչատրյանի ողջույնի խոսքով,

«Ողջունում եմ այստեղ ներկաներին Ավստրիայից և Գերմանիայից: Ողջունում եմ ձեզ բոլորիդ:

Հայ եկեղեցու համաշխարհային միավորումը միավորում է այլ ընկերությունների երիտասարդական կազմակերպություններին Հայաստանում և հատկապես սփյուռքում, որոնք ազգային ու հոգևոր արժեքների պահպանության գործին են լծված:

Մեզ համար պատիվ է, որ մեր Կենտրոնական գրասենյակը, գտնվելով մայրաքաղաք Երևանում, կարողանում է ոչ միայն համագործակցություն իրականացնել սփյուռքի հայկական երիտասարդական կազմակերպությունների, այլ նաև միջազգային կազմակերպությունների հետ, ինչպիսին կոնրադ Ադենաուերն է:

Հատուկ շնորհակալություն եմ հայտնում նաև ԱԺ պատգամավոր Ծովինար Վարդանյանին՝ այսօր ներկա գտնվելու համար: Նա մեր պետության ներկայացուցիչն է մեր մեջ և մենք մեծապես կարևորում ենք պետության հետ համագործակցությունը: Հայ եկեղեցու առաջնային նպատակներից է նեցուկ կանգնել հայկական պետականությանը և իր առջև ծառացած խնդիրների լուծմանն ընդհանուր ջանքեր ներդնելը»:

Համաժողովի Երկու օրերի ընթացքում շուրջ 30 մասնակիցների միջև դերաբաշխում էր արվել:

Նրանք մտացածին քաղաքի քաղաքացիներ էին, որոնք դերախաղի միջոցով պետք է լուծեին իրենց համայնքում ծառացած տարբեր խնդիրներ:

Ձևավորված 5 աշխատանքային խմբերով մասնակիցները կազմեցին և ներկայացրին իրենց ծրագրերը՝ բարեհաջող կատարելով իրենց առջև դրված առաջադրանքը:

Դրվագներ #Համայնքը_մենք_ենք կոնֆերանսից??#ՀԵՀԵՄ_Կենտրոնական_գրասենյակ#Կոնրադ_Ադենաուեր_հիմնադրամKonrad-Adenauer-Stiftung South Caucasus

Posted by Հայ Եկեղեցու Համաշխարհային Երիտասարդական Միավորում/ՀԵՀԵՄ/ — ACYOWorld on Monday, October 21, 2019