• Աբովյան 15
  • Երկ. - Ուրբ.
    09:00 - 18:00

Հանդիպում սիրված դերասանական զույգի հետ «Զորավոր» երիտմիությունում

Հոկտեմբերիի 26-ին Զորավոր Ս. Աստվածածին եկեղեցու երիցատան դահլիճում «Զորավոր» երիտասարդաց միությունը, «Եկեղեցին մենք ենք» ծրագրի շրջանակներում, հյուրընկալել էր ՀՀ վաստակավոր արտիստներ Արթուր Կարապետյանին և նրա տիկնոջը՝ Սաթենիկ Հախնազարյանին:

Հանդիպումը, երիտասարդաց միության պատասխանատու Տեր Վահան քահանա Առաքելյանի գլխավորությամբ, սկսվեց «Տերունական աղոթք»-ով: Տեր Հայրը, ողջունելով հյուրերին, շնորհակալություն հայտնեց, որ երիտասարդների խնդրանքին ընդառաջ ընդունել են հրավերը:

Հանդիպման ընթացքում քննարկվեցին Արթուր Կարապետյանի դերակատարմամբ «Հովիվը» և «Ոտքի կանգնելու կամքը. ինքնաճանաչում» գեղարվեստական և փաստավավերգարական ֆիլմերը:  Քննարկումն անցավ ակտիվ մթնոլորտում, քանի որ երիտասարդները նախապես դիտել էին ֆիլմերը: Անդրադառնալով «Հովիվը» ֆիլմին՝ Արթուր Կարապետյանը նշեց, որ հոգևոր ֆիլմերի առումով մեդիադաշտը դատարկ է,ուստի այս ֆիլմի նկարահանումը փորձ էր խավարում մեկ մոմ վառելու: ֆիլմի միջոցով իրենք սբ. Գրիգոր Նարեկացուն ներկայացրել են որպես մարդու. «Նարեկացին մեզ նման մարդ էր, այն ճանապարհը, որով ինքն անցավ, մեզանից յուրաքանչյուրը կարող է անցնել, եթե մանանեխի հատիկի չափ հավատ ունենա»:

«Զորավոր» երիտասարդաց միության հանդիպումը ՀՀ վաստակավոր արտիստների հետ անցավ ջերմ ու բովանդակալից, և երիտասարդները կյանքի դասեր քաղեցին:

աղբյուր՝ https://surbzoravor.am/post/view/zoravor-eritasardac-miutyan-handipumy-hh-vastakavor-artistneri-het?fbclid=IwAR0nQWNkDviDn4Z5OU0YVKBr9jbZ190vMiSrNfAKGIr0YhTOo6JC42mCL0U