• Աբովյան 15/1
  • 09:00 - 18:00

Քաղաքացիական երկխոսություն 2021-2022․ ծրագիր վիրահայոց թեմում

Վիրահայոց թեմի առաջնորդական տեղապահ հոգեշնորհ Տեր Կիրակոս վարդապետ Դավթյանի օրհնությամբ, վիրահայ համայնքում մեկնարկեց «Քաղաքացիական երկխոսություն և գործնական քայլեր փոփոխության համար 2021-2022 թթ.» ծրագիրը։ Այն 2005 թվականից կազմակերպում ու կյանքի է կոչում  Ջինիշյան հիշատակի հիմնադրամի կողմից և հովանավորությամբ:

Դեռևս անցյալ տարվանից ստանձնելով  ծրագրի պատասխանատուի գործառույթը և արժանանալով երիտասարդ դեսպան Վրաստանում պատվավոր կոչմանը՝ Վիրահայոց թեմի երիտասարդաց միության անդամ Էմիլ Սարգսյանը դարձյալ ստանձնեց  ծրագրի պատասխանատուի գործառույթը:

Վիրահայոց թեմի «Հայարտուն» կրթամշակութային և երիտասարդական կենտրոնում 2021 թվականի նոյեմբերի 21-ին կայացավ հանդիպում երիտասարդների հետ, որի ընթացքում երիտասարդ դեսպանը ներկաներին փոխանցեց Երևանում վերջերս Սփյուռքի գործերով գլխավոր հանձնակատարի գրասենյակում կայացած հանդիպման մասին: Այնուհետև  մանրամասն ներկայացրեց Ջինիշյան հիմնադրամի ծրագրի նպատակն ու խնդիրները:

«Քաղաքացիական երկխոսություն և գործնական քայլեր փոփոխության համար 2021-2022թթ.» ծրագիրը կշարունակվի 12 ամիս՝ 2021 թ. նոյեմբերի 1-ից մինչև 2022 թ. հոկտեմբերի 31-ը․ կայանալու են սեմինարներ, վարժանքներ, որոնց ընթացքում  երիտասարդները  հանդես կգան նախաձեռնություններով, որոնք ուղղված կլինեն  համայնքային գործունեության ակտիվացմանը:

Ծրագրի իրականացման աշխատանքներին ընդգրկվել են Վրաստանի հայաբնակ տարածաշրջանների երիտասարդները: Նախատեսված են հանդիպումներ և դասախոսություններ տարբեր ոլորտի փորձագետների հետ:

Սեմինարները և վարժանքները տեղի են ունենալու ինչպես առցանց, այնպես էլ փոխադարձ այցելություններով ու շփումներով:

Yandex.Metrica