Ն․Ս․Օ․Տ․Տ Գարեգին Երկրորդ Ամենայն Հայոց Կաթողիկոսի օրհնությամբ և բարձր հովանու ներքո Հայ Եկեղեցու Համաշխարհային Երիտասարդական Միավորումը (ՀԵՀԵՄ) շարունակում է իրականացնել իր առաքելությունը։
Ս․թ․ դեկտեմբերի 18-ին, Արարատյան Հայրապետական թեմի առաջնորդարանի դահլիճում, թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի օրհնությամբ և ՀԵՀԵՄ հոգևոր տեսուչ, Կենտրոնական գրասենյակի տնօրեն Հոգեշնորհ Հայր Թովմա վարդապետ Խաչատրյանի նախաձեռնությամբ կայացավ «Ճանաչիր Ինձ, երիտասարդ» ՀԵՀԵՄ աստվածաշնչյան դասընթացը, որին մասնակցեցին թեմի մի քանի տասնյակ երիտասարդներ։
Ծրագրի հեղինակը և դասընթացավարը ՀԵՀԵՄ Տեղեկատվական հարցերով պատասխանատու Արաքս Պողոսյանն էր։ ԱՀԹ-ում մեկնարկով այս դասընթացը թեմական դառնալու հայտ ներկայացրեց։
"Know Me, Young One" is a structured guide designed to help youth thoroughly grasp the content of both the Old and New Testaments of the Bible, highlighting their interconnections and offering helpful advice for interpreting scripture. The course is based on the principle of studying the Old and New Covenants in their entirety.
Young people are not only participants in the course, but also those who ensure the course. It is completely conducted using an interactive method: participants not only find the answers to the questions themselves, but also pose questions.
Դասընթացը սկսվեց Տերունական աղոթքով։ Թեմի Երիտասարդաց միությունների հոգևոր պատասխանատու Տեր Պետրոս ավագ քահանա Մալյանը երիտասարդներին փոխանցեց թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի ողջույնները, ինչպես նաև՝ հաջողություն մաղթեց դասընթացի կազմակերպիչներին՝ հույս հայտնելով, որ այն կլինի շարունակական։
ԱՀԹ-ում մեկնարկած դասընթացն անցավ երիտասարդների ակտիվ մասնակցությամբ, հարց ու պատասխան սկզբունքով։ Հատկապես մեծ ակտիվությամբ երիտասարդները մասնակցեցին դասընթացը ժամանակ առ ժամանակ ընդմիջող ինտելեկտուալ-հոգևոր խաղերին և վիկտորինային։ Հաղթողները ստացան ՀԵՀԵՄ գրասենյակի կողմից պատրաստված նվերներ։
Դասընթացի ավարտին երիտասարդներին ուղղված իր խոսքում Հայր Թովման կարևորեց հոգևոր կրթությունը դեռևս երիտասարդ տարիքից՝ հույս հայտնելով, որ դասընթացն իր առջև դրված նպատակին ծառայեց։ Այնուհետև ՀԵՀԵՄ հոգևոր տեսուչը մասնակցության վկայականներ հանձնեց երիտասարդներին։
Հայր Սուրբը նաև իր շնորհակալությունը հայտնեց Արարատյան Հայրապետական թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանին՝ հյուրընկալության համար, ինչպես նաև երիտասարդակենտրոն աշխատանքի համար իր գնահատանքը հայտնեց Տեր Պետրոս ավագ քահանա Մալյանին՝ իբրև թեմի Երիտասարդաց միությունների հոգևոր պատասխանատուի։
