Սույն թվականի մայիսի 17-ին Էջմիածնի հայորդյաց տանն անցկացվեց «Ճանաչիր Ինձ, երիտասարդ» ՀԵՀԵՄ աստվածաշնչյան դասընթացը՝ ավագ տարիքի սաների համար։
Դասընթացին բացման խոսքով հանդես եկավ Հայ Եկեղեցու Համաշխարհային Երիտասարդական Միավորումում (ՀԵՀԵՄ) իր ծառայությունն իրականացնող Գրիշա սարկավագ Հարությունյանը՝ մասնակիցներին փոխանցելով ՀԵՀԵՄ հոգևոր տեսուչ, Կենտրոնական գրասենյակի տնօրեն Հոգեշնորհ Թովմա վարդապետ Խաչատրյանի օրհնությունը և բարեմաղթանքները։
"Know Me, Young One" is a Bible course tailored for youth, serving as a systematic handbook. Araks Poghosyan, in charge of Information Affairs at ACYOWorld, is the creator and instructor of the program, with a background as a spiritual and ecclesiastical journalist.
«Ճանաչիր Ինձ, երիտասարդ»-ը պրեզենտացիայով ներկայացվող մեթոդական ուղեցույց է, որն օգնում է երիտասարդին հայրաբանական մեկնությունների միջոցով ամբողջական պատկերացում ունենալ Աստվածաշնչի երկու գրքերի՝ ՀիՆ և Նոր Կտակարանների և դրանց փոխկապակցվածության վերաբերյալ, ինչպես նաև՝ ճիշտ կողմնորոշվել սուրբգրային տեքստերն ընթերցելիս:
Ողջ դասընթացը կառուցված է Հին և Նոր Ուխտերը միաժամանակ անցնելու սկզբունքի վրա՝ որպես մի ամբողջություն:
Դասընթացի տեխնիկական և խաղային մասն ապահովեց ՀԵՀԵՄ կամավոր Դիանա Շախբազյանը։
Ավարտին բոլոր մասնակիցներին վկայականներ հանձնվեցին։
Դասընթացն անցկացվեց շնորհիվ Հայորդյաց տների տնօրենի ժամանակավոր պաշտոնակատար Լիաննա Առաքելյանի և Էջմիածնի հայորդյաց տան տնօրեն Ալվինա Պետրոսյանի աջակցության և ՀԵՀԵՄ Գրասենյակի հետ համագործակցության։
Լուսանկարները՝ Դիանա Շախբազյանի