«Ծիրանավոր» երիտմիությունը ներկա է եղել «Երևանյան հեռանկարներ» փառատոնին

Փետրվարի 20-ին Ավանի Ս․ Աստվածածին եկեղեցու «Ծիրանավոր» երիտասարդաց միությունը ներկա է եղել
«Երևանյան հեռանկարներ» միջազգային երաժշտական հոբելյանական 25-րդ փառատոնին։

Ավանի Ս. Աստվածածին եկեղեցու “Ծիրանավոր” երիտասարդաց միության անդամները եկեղեցու հոգևոր հովիվ և միության հոգևոր պատասխանատու Տ. Հարություն քահանա Ավագյանի առաջնորդությամբ ներկա են եղել  փառատոնի շրջանակներում անցկացվող «Գրեմմի» մրցանակակիր Էբեն քառյակի համերգին։

Երիտասարդներն ունկնդրել են բազմաթիվ միջազգային մրցույթների դափնեկիր, առաջատար փառատոների «Տարվա անսամբլ» տիտղոսակիր քառյակի կատարումները։
Տեր Հարությունը կարևորել է երիտասարդների այցելությունը մշակութային օջախներ, ընդգծել արվեստը խորությամբ ընկալելու անհրաժեշտությունը երիտասարդի կյանքում։ Տեր հայրն անհրաժեշտ է համարել երիտասարդի ծանոթանալը համաշխարհային երաժշտության գլուխգործոցներին։

source: https://www.facebook.com/avansurbastvacacin7/posts/pfbid08vDFRRASnTgiAer8B8jfitAKVm7B79L9cxKqdEApCrwHcgoydUTtwkYCGEm6fN8El