«Ջինիշյան հիշատակի հիմնադրամի» հայաստանյան ծրագրին կմասնակցեն նաև Վիրահայոց թեմի երիտասարդները
«Ջինիշյան հիշատակի հիմնադրամի» տնօրինության պատվիրակությունը Վրաստան կատարած այցի շրջանակներում,
Վիրահայոց թեմի երիտասարդության հարցերով բաժնի պատասխանատու Էմիլ Սարգսյանի հետ հանդիպումից և աշխատանքների ընթացքին ծանոթանալուց հետո, այցելեցին թեմի «Հովհաննես Թումանյանի տուն» գիտակրթամշակութային կենտրոն:
Հյուրերը հանդիպում ունեցան հիմնադրամի կողմից ֆինանսավորվող «Քաղաքացիական երկխոսություն և գործնական քայլեր փոփոխությունների համար 2023-2024 թվականներին» ծրագրի մասնակիցների հետ:
Հանդիպման ձևաչափից գոհ հյուրերը առաջարկեցին նմանօրինակ հանդիպում անցկացնել Հայաստանում՝ ծրագրի մասնակից մյուս կազմակերպությունների հետ, որին հրավիրված կլինեն նաև Վիրահայոց թեմի երիտասարդական բաժնի ներկայացուցիչները:
աղբյուր՝ Վիրահայոց թեմի մամլո դիվան