• Աբովյան 15
  • Երկ. - Ուրբ.
    09:00 - 18:00

Անցկացվեց ԱՄՆ Արևմտյան թեմի երիտասարդների բանակում

Հոկտեմբերի  12-14-ին, ԱՄՆ Արևմտյան թեմի առաջնորդ Բարձրաշնորհ Տ․ Հովնան Արք․ Տերտերյանի բարձր հովանու ներքո, թեմի երիտասարդաց միությունների կենտրոնական խորհուրդը նախաձեռնել էր երիտասարդների բանակում Hye Camp for Senior Retreat-ում:

Անցկացվեցին «Հույս Արցախի և Հայաստանի ապագայի համար» թեմայով կրթական և հոգևոր քննարկումներ։ Բանախոսեցին պրոֆեսոր Բարլո Տեր Մուգրդեչյանը, Արժանապատիվ Տեր Եղիշե քահանա Քսաչիկյանը,  բարեշնորհ սարկավագներ  Գև Չինկեզյանը և Էմին Մաթևոսյանը։ Վերջիններս պատմեցին,  թե ինչու են իրենք եկեղեցու մաս կազմել, ինչով է դա օգնել իրենց կյանքում, և թե ինչպես երիտասարդությունը կարող է օգնել արցախահայությանը:

Այդ քննարկումների արդյունքում բոլորը միմյանց ավելի լավ ճանաչեցին։ Հավաքը ներառեց նաև հյուրասիրություն, սպորտային խաղեր, երգ ու պար,  երեկոյան խարույկ:

Շաբաթ երեկոյան  երիտասարդական հարցրեով պատասխանատու Հայր Երեմիան  առաջնորդեց Ադրբեջանի վերջին ցեղասպանական գործողություններին զոհ դարձած Արցախի և Հայաստանի ընտանիքների համար մոմավառությունը և աղոթքը։

Կիրակի առավոտյան Հոգեշնորհ Երեմիա աբեղա Աբգարյանի ձեռամբ բացօթյա Պատարագ մատուցվեց՝ երիտասարդների մասնակցությամբ։