• Աբովյան 15/1
  • Երկ. - Ուրբ.
    09:00 - 18:00

«Թիմային Աշխատանք» ՀԵՀԵՄ դասընթաց Էջմիածնի Հայորդյաց տանը

Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի օրհնությամբ, ՀԵՀԵՄ հոգևոր առաջնորդ Բարձրաշնորհ Հովնան արք. Տերտերյանի առաջնորդությամբ, ՀԵՀԵՄ Կենտրոնական գրասենյակը շարունակում են երիտասարդներին քրիստոնեական գիտելիքներով զինման դասընթացները։

Սույն թվականի մայիսի 8-ին Էջմիածնի հայորդյաց տանը անցկացվեց «Թիմային Աշխատանք» քրիստոնեական ոչ ֆորմալ կրթական դասընթացը։

Ծրագրի հեղինակը և դասընթացավարը ՀԵՀԵՄ Կենտրոնական գրասենյակի Հասարակական կառույցների գծով փոխտնօրեն, երիտասարդական աշխատանքի փորձագետ Անգելինա Ալեքսանյանն է։

Դասընթացը մեկնարկեց ՀԵՀԵՄ հոգևոր տեսուչ, Կենտրոնական գրասենյակի տնօրեն Հոգեշնորհ Թովմա վրդ. Խաչատրյանի բացման խոսքով և միասնական աղոթքով։

Դասընթացը նպատակ ունի օգնել երիտասարդներին տեղեկանալ Հիսուս Քրիստոսի առաջնորդության և թիմ կառուցելու հմտություններին, տալ գործնական քրիստոնեական գիտելիքներ՝ կիրառելու այդ սկզբունքներն իրենց կյանքում և հարաբերություններում:

Դասընթացին մասնակից 15-17 տարեկան 30 երիտասարդներ Հիսուս Քրիստոսի օրինակով սովորեցին, թե ինչպիսին պետք է լինի իրական քրիստոնեական թիմային աշխատանքը և ինչ գլխավոր սկզբունքներ են դրա հիմքում։ Այն է՝ սերը, ծառայությունը և միասնությունը։
Ծրագրի ավարտին բոլորին հանձնվեցին մասնակցության վկայականներ։
Դասընթացն անցկացվեց շնորհիվ Հայորդյաց տների տնօրենի ժամանակավոր պաշտոնակատար Լիաննա Առաքելյանի և Էջմիածնի հայորդյաց տան տնօրեն Ալվինա Պետրոսյանի աջակցության և ՀԵՀԵՄ Գրասենյակի հետ համագործակցության։